[غير معروف]

[URL=”http://javascript:vip600Foto(‘http://www.alajlan.sa.com/up/up/wh_68238072.jpg’)”][/URL]
الشاعر عبدالعزيز العجلان

شكر وعرفان

يقوم الشيخ عبدالعزيز العجلان واولاده بإنشاء مايقارب الثمانين فله في حي حطين النموذجي بالرياض وسيقوم بعد الإنتهاء منها بتوزيعها على الأقارب واكثرهم من الشباب الذين لم يتزوجوا بعد وبهذه المناسبة اقول هذه الابيات سائلآ الله عز وجل ان يجعلها في موازين حسناتهم وارجوا ان يحذو حذوهم المقتدرين وبالله التوفيق.

يالله ياعالم جميع الخوافي
يامجري الماء بوسط المعاليق

يالخالق المبعود للعبد كافي
يامجمل ارضه بزوف الزماليق

في شيخنا نبدع بيوت وقوافي
يالله تجعل كل دربه توافيق

انا اشهد أن الشيخ بالحيل وافي
ابو العيال أهل الوجيه المطاليق

ياطير حورانا علا بالنوافي
خلف حرار للمعالي مرافيق

المال غالي وماعليه أختلافي
وعجلان واخوانه لبذله موافيق

أهل السخا والجود بين وخافي
أيمانهم من فضل ربي مدافيق

أنسو قرايبهم سنين جوافي
والخير عمو به شباب مطاريق

أفعالهم بين الخلايق تشافي
وعلومهم تنقل على فكة الريق

لعجلان وأخوانه تدوم العوافي
هم درعنا الضافي عساهم مرازيق

والله لو تذري علينا السوافي
الفضل ما ننساه في حزة الضيق

والختم صلوا عد ما طاف حافي
على رسول الله سيد المخاليق

الشاعر/ عبدالعزيز بن محمد العجلان

[غير معروف]

صح لسان شاعرنا أبومحمد

يستاهلون كل خير عيال العم

وتسلم يمينك أخوي على الموضوع

[غير معروف]

صح لسانك يابو محمد وبيض الله وجهك
يستاهل العم عبدالعزيز وأبناءة الكرام المدح
الله يكثر من امثالهم ويجزاهم خير
ولا هنت يالمشتاق على الطرح

أطيب التحايا

:wrd:

[غير معروف]

يستاهلون
مشكور وماقصرت

[غير معروف]

بيض الله وجيهكم

[غير معروف]

السلام عليكم ..,

.. صح لسانه ويستاهلون هالكلمات ..

[غير معروف]

صح لسان الشاعر

يستاهلون عيال العم كل خير

وبيض الله وجهك على الطرح

موضوع يستاهل التقييم

[غير معروف]

تسااااهلون والله يا بعد اهلي

ما قيل فيكم شوي يال عجلان

تسلم على النقل

[غير معروف]

يستاهلون كل خير

وبيض الله وجيههم

[غير معروف]

صح لسانك
ويستاهلون المدح

[غير معروف]

تسلم اخوي
يسسسسسستاهلون اكثر وبيض الله وجيهم الله يوفقهم

[غير معروف]

وعليكم السلام
بيض الله وجيهم وعلمهم غانم
ويكفي صيتهم على كل لسان في المجتمع

[..]

ماشاءالله قصيدةة ولآآ أروع
يعطيك العآفيه خيو ..
ولآتحرمنآ جديدك
/
لآهنتَ

[ابو خالد الهذلي]

صح لسان ابو محمد ويستاهل ابو عجلان وابنائه المدح وبيض الله وجه من نقل القصيده

[الكاتب]

المشاركات